Me par algeri ...
che mi e el me coscrit ne sen ciapadi na stremida ..propri a modo e a specchio!!:eek:
Se parla del 1978, forsi 79.En quel periodo mi e el me coscrit giugaven despess a batman e robin. Elo, che l'era pù gross l'era oviamente Batman e mi che ero pù smilzo..me tocava far da Robin (..va beh!).
En bel dì for per el mes de lui,ne sen messi 'n ment de nar giò 'n tel cabiot dei ordegni de l'ORCO (come che ciamaven el paron del bait..dal brut che l'era!!)per farghe saltar tutte le trapole che l'aveva mes for per i sorgi e le paltegane.
scena: mi che ghe fago "scaleta" a batman; elo 'l monta su (sghiciandome i dedi..come sempre!!) e el taca a vardar den per na fessura su sora ala porta, per cercar la ciave.
Passa do minuti e sentin: " BOCIIIIIIII...FAIMALONIIIIIII ...ADES VE MONDOOOOOO!!!!! "
Ne sen giradi e quan che aven vist arivar sto gremenos con en man na cantinela de legn, aven capì el tai del prà!!Mola tut e scampa..
El pioveva polito..aven tacà a correr come i desperadi; aven scavezà giò per en sbriock e po for en tra le vanege del camp de soto. Ale tante ne sen binadi "al sicuro"..en tel nos covo!!
Quela sera a cena ho magnà sol en piat de repesi (me ricordo perchè l'ho trati su tutti dala agitazion ancor 'ndoss) e po me son trat en tel paion..tut stremì!!
